Franca në finale të Kampionatit Botëror, eliminohet Belgjika

21:53 | 10 Korrik 2018
Arbresh Info

Franca është finalisti i parë i Kampionatit Botëror “Rusia 2018”.

“Blutë” kanë mposhtur Belgjikën mbrëmjen e sotme (e martë) në gjysmëfinale me rezultat minimal 1 me 0 në takimin e zhvilluar në stadiumin Saint Petersburg, shkruan portali arbresh.info.

Goli nga Umtiti në fillim të pjesës së dytë rezultoi të jetë vendimtar për takimin e vlerësuar si “finale para finales” në turneun madhështor në Rusi.

Ylli në mbrojtje i Barcelonës realizoi me kokë për 1 me 0 në minutën e 51′ të ndeshjes pas asistimit nga këndi në formë të shkëlqyer nga sulmuesi Antoine Griezmann.

Skuadra nën udhëheqjen e Didier Deschamps arriti t’i mbijetojë presionit të vazhdueshëm nga belgët gjatë pjesës tjetër të lojës, ndonëse shanset nuk munguan nga të dy palët.

Rivali i Francës në finale do të jetë fituesi i ndeshjes së nesërme ndërmjet Anglisë dhe Kroacisë./arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm